【救世科普】論武功，俗世間不知邊個高？FFP2、KF94、KN95、N95四大呼吸器規格合格難度分析

近排好多朋友問，特別係澳門同台灣嘅朋友問救世關於歐盟FFP2、韓國KF94、中國KN95同美國N95四個規格當中，邊個最勁防禦力最高，身為救世實驗室，每日都要為不同口罩產品進行不同標準測試，今日就等我哋話你知，佢哋嘅合格難度啦！

有關呼吸器防止病毒傳染的關鍵測試分為兩方面，一個係「過濾率」另一個係「洩漏率」：

<過濾率>

關於過濾率，可分為油性粒子同鹽性粒子過濾測試，而油性粒子比鹽性粒子更難過濾。表面上，KN95同N95要求的鹽性過濾率雖然是95%以上，好似比較嚴格，但根據救世實驗室的無數測試經驗，FFP2和KF94額外要求的油性粒子過濾率94%以上難度更高，也可以理解為合格的FFP2和KF94 呼吸器實際上也必然達到鹽性過濾率95%以上。

以SAVEWO 3DMASK的內測結果為例，產品出廠的平均過濾率為鹽性99%及油性98%以上，過濾性能已經遠超越以上四個標準的合格要求。

<洩漏率>

至於洩漏率，雖然N95没有指定洩漏率需要幾多，但用作保護高風險工作者的N95醫療呼吸器，使用者必須通過職業安全衛生署OSHA密合度測試，評分要超過100，換句說話N95嘅洩漏率要低過1%先至合格；

KN95、FFP2及KF94均需要以10個人為測試者，每人做出5個動作去測試為評價基礎，以每個動作的總泄漏率為評價基礎時，50個動作中至少有46個動作的總洩漏率 < 11%；但KN95和FFP2相比KF94額外多了一項，就是10個受試者中至少8 個人的總洩漏率 < 8%。

綜合四個測試規格，N95嘅測試嚴謹程度係四者中最高，而FFP2及KN95要求相同，KF94則最為寬鬆。

經過兩項比拼後，大家可以發現四個呼吸器規格對唔同認證嘅要求都各有千秋，可謂難分高下，同時都印證佢哋的確十分相似，但又不盡相同嘅標準。

而對消費者嚟講，很難單憑包裝上面認証去定斷口罩防禦能力，因為市面上有唔少有問題嘅KF94及唔合格嘅KN95，甚至有一些根本連測試都未做過就自稱KF99既口罩存在於市面，保護能力成疑。真正的保護能力應該以實際口罩的性能及品質作準。

基於早前澳門政府要求市民佩戴KN95 標準呼吸器，雖然我們相信所有SAVEWO 3DMASK都能達到KN95要求，但為咗完全釋除廣大澳門同香港市民嘅疑慮，我哋已經將產品寄往國家指定實驗室進行GB2626-2019及最高醫用標準GB19083-2010呼吸器認證！

我哋相當有信心攞到好成績，最新消息會第一時間同大家公佈！

推薦產品：